Ծրագրի ընդհանուր նկարագիր

Ստեղծագործ Եվրոպա ծրագիրը համախմբում է մի շարք գործողություններ, որոնք ուղղված են ստեղծագործական, մշակութային և տեսալսողական ոլորտների աջակցությանը: 2017 թվականին իրականացված միջանկյալ գնահատման արդյունքների հիման վրա՝ Ստեղծագործ Եվրոպա 2021-2027 ծրագիրը շարունակում է գործել նախորդ ծրագրի կառուցվածքին համաձայն:

Նախորդ ծրագրի շրջափուլի համեմատ՝ 2014-2020 թթ., Ստեղծագործ Եվրոպա ծրագրի բյուջեն աճել է 50%-ով։ Ստեղծագործ Եվրոպա ծրագիրն ուղղված է այն գործողությունների և նախաձեռնությունների իրականացմանը, որոնք կօգնեն ամրապնդելու մշակութային բազմազանությունը և կարձագանքեն մշակութային ու ստեղծագործական ոլորտների կարիքներին ու մարտահրավերներին։ Ծրագրում ներառված նորությունները և փոփոխությունները նպատակ ունեն աջակցելու վերոգրյալ ոլորտների վերականգնմանը և հետագա զարգացմանը՝ հնարավորություն ստեղծելով դրանք դարձնել ավելի ներառական, թվայնացված, կանաչ և էկոլոգիապես ավելի կայուն:  

​​

Ստեղծագործ Եվրոպա ծրագրի երկու հիմնական նպատակներն են.  

• Պաշտպանել, զարգացնել և խթանել եվրոպական մշակութային և լեզվական բազմազանությունն ու ժառանգությունը,

• Բարձրացնել մշակութային և ստեղծագործական ոլորտների, մասնավորապես տեսալսողական հատվածի մրցունակությունը և տնտեսական ներուժը: 

​

Վերոգրյալ նպատակներն իրականացվում են հետևյալ ենթանպատակների միջոցով.

• Հզորացնել Եվրոպայում արվեստի և մշակութային համագործակցությունը,

• Աջակցել Եվրոպական աշխատանքների ստեղծմանը,

• Նպաստել Եվրոպայի մշակութային և ստեղծագործական ոլորտների տնտեսական, սոցիալական և արտաքին համագործակցության ուժեղացմանը,  

• Խթանել նորարարությունը և շարժունակությունը,

• Խթանել համագործակցությունը նորարարության, կայունության և մրցունակության շրջանակներում,  

• Տարածել և ավելի հասանելի դարձնել միջոլորտային, նորարարական և համագործակցային գործողությունները,

• Ինչպես նաև տարածել բազմազան, անկախ և բազմակարծիք մեդիա միջավայր և աջակցել մեդիա գրագիտությանը՝ դրանով իսկ նպաստելով գեղարվեստական ​​արտահայտման ազատությանը, միջմշակութային երկխոսությանը և սոցիալական ներառմանը:

​

Ի լրումն վերոգրյալ նպատակների՝ Ստեղծագործ Եվրոպա ծրագիրն անդրադառնում է լավագույն փորձի և հաջողակ օրինակների տարածմանը, որոնք անդրադառնում և նպաստում են Եվրոպական հանձնաժողովի հիմնական առաջնահերթություններին՝ կանաչացում և շրջակա միջավայր, ներառակայություն և գենդերային հավասարություն՝ հարցեր, որոնք ընդգրկված են ծրագրի բոլոր գործողություններում:

​

Ստեղծագործ Եվրոպա ծրագիրը բաղկացած է երեք հիմնական բաղադիչներից՝

• ՄՇԱԿՈՒՅԹ բաղադրիչ. եվրոպական մակարդակում գեղարվեստական և մշակութային համագործակցությունը խթանող և ընդլայնող նախաձեռնություններ: Մշակույթ բաղադրիչն ընդգրկում է մշակութային և ստեղծագործական բոլոր ոլորտները (բացառությամբ տեսալսողական և կինեմատոգրաֆիայի ոլորտները):

• ՄԵԴԻԱ բաղադրիչ. գործողություններ և ծրագրեր, որոնք խրախուսում են եվրոպական մակարդակում տեսալսողական հատվածի մրցունակությունը, նորարարությունը և կայունությունը (ներառում է տեսալսողական և կինեմատոգրաֆիայի ոլորտները):

• ՄԻՋՈԼՈՐՏԱՅԻՆ բաղադրիչ. նախաձեռնություններ և ծրագրեր, որոնք խթանում են տարատեսակ նորարարական գործողություններ և համագործակցությունը տեսալսողական և մշակութային ոլորտներում:

​

Այժմ, Հայաստանն ամբողջությամբ անդամակցում է ՄՇԱԿՈՒՅԹ բաղադրիչին, մասամբ՝ ՄԻՋՈԼՈՐՏԱՅԻՆ բաղադրիչին, որի շրջանակներում Հայաստանում գործում է Ստեղծագործ Եվրոպա Հայաստանյան գրասենյակը: Հայաստանը չի անդամակցում ՄԵԴԻԱ բաղադրիչին:

​

Ստեղծագործ Եվրոպա ծրագրի բյուջե

Ստեղծագործ Եվրոպա 2021-2027 ծրագրի ընդհանուր բյուջեն 2,44 միլիարդ եվրո է, որը բաժանվում է հետևյալ կերպ՝

• ՄՇԱԿՈՒՅԹ բաղադրիչ՝ 33%

• ՄԵԴԻԱ բաղադրիչ՝ 58%

• ՄԻՋՈԼՈՐՏԱՅԻՆ բաղադրիչ՝ 9%

 

Ստեղծագործ Եվրոպա ծրագրի իրավական հիմքեր 

Ծրագրի իրավական հիմքերին կարող եք ծանոթանալ Եվրոպական խորհրդարանի և Խորհրդի 2021 թվականի մայիսի 20-ի 2021/818 կարգավորման միջոցով։ Կարևոր է նշել, որ նախագծերի հայտերի նախապատրաստման համար անհրաժեշտ բոլոր մանրամասնությունները ներկայացված են համապատասխան ֆինանսավորման տողերի ուղեցույցներում (Guidelines):

​

ԿԱՐԴԱԼ ԱՎԵԼԻՆ․ Ծանոթացեք «Ստեղծագործ Եվրոպա» ծրագրին Եվրոպական հանձնաժողովի կայքում:

Ծրագրի և դրա ֆինանսավորման շրջանակները սահմանվում են տարեկան աշխատանքային պլաններով։

​

• Ստեղծագործ Եվրոպա ծրագրի հիմնական կարգավորումներ (անգլերեն տարբերակով)

• Աշխատանքային պլան 2021 թ. 

• Աշխատանքային պլան 2022 թ. 

• Աշխատանքային պլան 2023 (ներառյալ 2021 և 2022 թվականների փոփոխությունները)

• Աշխատանքային պլան 2024

• Աշխատանքային պլան 2025

​

Մշակույթ բաղադրիչի աշխատանքային պլան 2023–2026 թթ. (ընդունված Խորհրդի 2022 թվականի նոյեմբերի 29-ի որոշմամբ)։ Սա ռազմավարական փաստաթուղթ է, որը հիմք է հանդիսանում ԵՄ անդամ պետությունների և Եվրոպական հանձնաժողովի միջև համաձայնեցված գործողությունների, այդ թվում՝ «Ստեղծագործ Եվրոպա» ծրագրի իրականացման համար։

​

Եվրոպական հանձնաժողովի նախագծերի շտեմարանում կարող եք գտնել բոլոր այն նախագծերը, որոնք ֆինանսավորվել են «Ստեղծագործ Եվրոպա» ծրագրի շրջանակում։

ԿԱՐԴԱԼ ԱՎԵԼԻՆ․ Հաստատված նախագծերի շտեմարանը հասանելի է այստեղ։ 

​

Ի լրումն վերոգրյալի, Ստեղծագործ Եվրոպա Հայաստանյան գրասենյակը ունի այն նախագծերի համառոտ ցուցակը, որոնցում հայկական կազմակերպությունները ներգրավված են եղել որպես գործընկեր կամ համակարգող կազմակերպություն։ Ամբողջական ցանկը հասանելի է այստեղ: 

​

Ստեղծագործ Եվրոպա ծրագրի կառավարում 

Ծրագիրը կառավարվում է Եվրոպական հանձնաժողովի կողմից, որը նաև համակարգում է համայնքային ֆինանսական միջոցների բաշխումը։ Եվրոպական միության Կրթության, աուդիովիզուալ և մշակույթի գործադիր գործակալություն (EACEA) պատասխանատու է «Ստեղծագործ Եվրոպա» ծրագրի երկու բաղադրիչների՝ «Մշակույթ» և «Մեդիա», իրականացումն ապահովելու համար։

​

📘 Ստեղծագործ Եվրոպա 2021–2027 գրքույկը (անգլերեն տարբերակ)