Մեդիա բաղադրիչ

Ստեղծագործ Եվրոպա ծրագիրը բաղկացած է երեք հիմնական բաղադիչներից՝

​

• ՄՇԱԿՈՒՅԹ բաղադրիչ. եվրոպական մակարդակում գեղարվեստական և մշակութային համագործակցությունը խթանող և ընդլայնող նախաձեռնություններ: Մշակույթ բաղադրիչն ընդգրկում է մշակութային և ստեղծագործական բոլոր ոլորտները (բացառությամբ տեսալսողական և կինեմատոգրաֆիայի ոլորտները):

• ՄԵԴԻԱ բաղադրիչ. գործողություններ և ծրագրեր, որոնք խրախուսում են եվրոպական մակարդակում տեսալսողական հատվածի մրցունակությունը, նորարարությունը և կայունությունը (ներառում է տեսալսողական և կինեմատոգրաֆիայի ոլորտները):

• ՄԻՋՈԼՈՐՏԱՅԻՆ բաղադրիչ. նախաձեռնություններ և ծրագրեր, որոնք խթանում են տարատեսակ նորարարական գործողություններ և համագործակցությունը տեսալսողական և մշակութային ոլորտներում: 

​​

Այս պահին Հայաստանը չի անդամակցում ՄԵԴԻԱ բաղադրիչին: 

​

«Ստեղծագործ Եվրոպա» ծրագրի ՄԵԴԻԱ բաղադրիչը Եվրոպական հանձնաժողովի գործիքն է՝ աջակցելու եվրոպական աուդիովիզուալ հատվածին (կինո, հեռուստատեսություն, թվային հարթակներ, տեսախաղեր, իմերսիվ բովանդակություն)։

​

«Մեդիա» բաղադրիչի աջակցման գործողությունները բաժանվում են չորս թեմատիկ ուղղությունների՝

• Բովանդակություն. խթանել համագործակցությունն ու նորարարությունը բարձր որակի ստեղծագործությունների ստեղծման և արտադրության ոլորտում։

• Գործարար միջավայր. խթանել նորարարությունը, մրցունակությունը, մասշտաբայնությունն ու տաղանդների զարգացումը՝ ամրապնդելու եվրոպական արդյունաբերությունը գլոբալ մրցակցության պայմաններում։

• Լսարաններ. բարձրացնել ստեղծագործությունների հասանելիությունն ու տեսանելիությունը իրենց նպատակային լսարանների համար՝ բաշխման ուղիների և լսարանի ընդլայնման նախաձեռնությունների միջոցով։

• Քաղաքականություն. աջակցել քաղաքականության վերաբերյալ բանավեճերին/փորձի փոխանակման հարթակներին, ուսումնասիրություններին և զեկույցներին, խթանել իրազեկման գործողությունները: 

​

«Մեդիա» բաղադրիչի հիմնական նորությունները (նախորդ ծրագրի համեմատությամբ) ներառում են՝

• Համագործակցության խթանում (գործընկերությունների ձևավորում) աուդիովիզուալ արժեքային շղթայի ամբողջ ընթացքում և ԵՄ մակարդակով՝ եվրոպական աուդիովիզուալ ընկերությունների ու բովանդակության գլոբալ ընդլայնման նպատակով։

• Տաղանդի խթանում՝ անկախ ծագումից, և մասնակցության ու համագործակցության ընդլայնում՝ հատկապես աուդիովիզուալ արտադրության բարձր և ցածր կարողություն ունեցող երկրների միջև։

• Նոր տեխնոլոգիաների օգտագործման խրախուսում՝ թվային վերափոխման հնարավորություններից լիարժեք օգտվելու նպատակով։

• Կանաչ անցման խթանում, ինչպես նաև հասարակական կարևորության նպատակների ընդգրկում, ինչպիսիք են՝ գենդերային հավասարությունը և բազմազանությունը (այդ թվում՝ գնահատման չափանիշներում համապատասխան կշռով)։

• Շուկայի միտումների ուսումնասիրություն՝ ըստ «Մեդիայի և աուդիովիզուալ գործողությունների պլանի»՝ յուրաքանչյուր երկու տարին մեկ։

​

«Մեդիա» բաղադրիչի երկու հիմնական առաջնահերթություններն են․

1. Աուդիովիզուալ հատվածի կարողությունների ուժեղացում՝ միջազգային գործունեություն ծավալելու նպատակով։

2. Աուդիովիզուալ ստեղծագործությունների միջսահմանային շրջանառության խթանում։

​

Աուդիովիզուալ հատվածի կարողությունների զարգացման նպատակով «Մեդիա» բաղադրիչը հետապնդում է հետևյալ նպատակները․

• Հմտությունների ձեռքբերման և ցանցերի ձևավորման խթանում՝ հատկապես թվային տեխնոլոգիաների օգտագործման միջոցով՝ ապահովելու շուկայի պահանջներին անհրաժեշտ հարմարվողականությունը։

• Աուդիովիզուալ կազմակերպությունների ստեղծագործական ներուժի ավելացում: 

• Ընկերությունների միջև փոխանակման խթանում՝ ապահովելով մուտք շուկաներ և առևտրային գործիքներ, որոնք կբարձրացնեն նրանց նախագծերի տեսանելիությունը եվրոպական և միջազգային մակարդակով։

​

Աուդիովիզուալ ստեղծագործությունների միջսահմանային շրջանառության խթանման շրջանակում «Մեդիա» բաղադրիչի նպատակներն են՝

• Աջակցություն Ֆիլմերի բաշխմանը և տարածմանը: 

• Միջսահմանային մարքեթինգի աջակցություն և խթանում՝ օնլայն հարթակների միջոցով։

• Լսարանների ձևավորման խթանում՝ որպես աուդիովիզուալ ստեղծագործությունների նկատմամբ՝ հետաքրքրություն առաջացնելու միջոց, մասնավորապես դվերջիններիս խթանման, միջոցառումների, փառատոների և կինոկրթության զարգացման միջոցով։

• Տարածման նոր եղանակների ճկունության խթանում՝ նոր գործարար մոդելների միջոցով: 

​

«Մեդիա» բաղադրիչի ֆինանսավորման ծրագրերին՝ նպատակներ, մասնակցության իրավասություն, գնահատման չափորոշիչներ և այլ տեղեկություններ հասանելի են այստեղ:

 
ՄԵԴԻԱ-ի 30 տարվա պատմությանը կարող եք ծանոթանալ այստեղ: 

​

​